Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Flury, PeterFoffa, Paul lemma sequent

Fodiga, Gaspare
* segunda mesadad dal 16. tsch. a Mesocco, † 1624 a Checiny (Pologna), cat., da Mesocco. ∞ 1600/01 Zuzanna n. Grodzanovi. Attestà a Mesocco fin il 1596. El è sa rendì cun ses frar Sebastiano en Pologna, nua ch'el ha lavurà a l'entschatta sco architect e sculptur en servetsch dal prinzi Mikolaj Radzivill. El è alura stà responsabel per ina gronda fatschenta da marmel e da sculpturas a Checiny ed è daventà sco tal in dals propagaturs principals da las furmas dal temp baroc tempriv en Pologna. Menziun spez. tranter sias ovras, per ina buna part monuments sepulcrals, meritan la chaplutta da la fam. Padnievski a Pilica (1601), il palaz municipal a Szydtloviec (1602-08), la chaplutta Branicki a Checiny (1605-07), ils monuments sepulcrals dals Roszkovskis a Zerkov (ca. 1613) e la fossa da Nikodem Kossakovski a Lomza (avant il 1618). Il 1614 ha F. realisà l'atgna chaplutta funebra che vala sco ses capodovra.


Litteratura:
M. Karpowicz, La cappella F.: eccezionale monumento di un mesoccone in Polonia, en: QGI, 59/1990, 11-26; M. Karpowicz, Da contadino a magnate: Gaspare F., architetto e scultore di Mesocco in Polonia, 2002.

Cesare Santi

lemma precedents Flury, PeterFoffa, Paul lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :