e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Mutzner, Carl
* 19-1-1885 a Cuira, † 5-2-1966 a Berna, ref., da Maiavilla e Cuira. Figl da Christian, maister serrer, e da Paulina n. Sievert, da Cuira. Scola chant. a Cuira fin il 1904, alura studi d'inschigneria 1904-08 ed assistent al Politecnicum resp. a la SPF da Turitg 1908-14, dr.sc.tecn. 1914. Emprim directur da l'Uffizi fed. da l'economia d'aua (nov fundà) 1918-47. En questa funcziun ha M. gì gronds merits, o.t. sin il champ da la navigaziun. El ha promovì la regulaziun dal Rain tr. Strassburg e Basilea ed ha contribuì qua tras decisivamain al svilup da la navigaziun sin il Rain fin a Basilea. Suenter esser s'engaschà en ina publicaziun sut il pseudonim Hydro Electricus cunter projects da lais artifizials, instradads da la Confed. per garantir il provediment d'electricitad, ed en favur da la suveranitad dals chantuns, ha il Cussegl federal avert ina procedura disciplinara cunter M. per violaziun dals duairs d'uffizi, quai ch'ha provocà sia relaschada.
Litteratura:
NZZ, 30-12-1947; 18-1-1965; Berner Tagblatt, 7-2-1966; Wasser, Energie, Luft, 88/1996, nr 5/6, 125 s.
Sarah Brian Scherer
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Mützenberg, Gabriel