e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pedolin, Alexander Pedretti, Erica  Pedolin, Nutin * 13-5-1836 a Cuira, † 21-5-1902 a Cuira, ref., da Cuira. Figl da Nutin, tenschider, e da Maria Flandrina n. Staub. ∞ 1874 Catharina Albertine n. Vogt, dad Ulm. Commerziant. Sco tal ha P. manà vinavant la tenscharia da fam., fundada il 1789 da ses basat Alexander a Cuira ed ha amplifitgà quella il 1862 cun ina filandaria mecanica al Mühlbach sura en il Welschdörfli. L'interpresa, a la quala appartegneva era ina tessaria, è vegnida equipada il 1889 cun turbinas a gas. Durant l'Emprima Guerra mundiala è la firma sa spezialisada sut la direcziun da ses figl Paul en la producziun da ponn militar. Fin il 1962 ha ella exequì tut ils pass da lavur, da la launa criva fin al ponn; dasperas existiva ina lavandaria. Il 1972 è vegnida serrada la fabrica da ponn, il 1982 la filandaria. Dapi alura exista mo anc la lavandaria chemica. Litteratura: Valèr, Churer Stadtrat, 125; FR, 8-12-1962. Max Hilfiker  Pedolin, Alexander Pedretti, Erica  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: