Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Flia, Clau daFlond lemma sequent

Flisch, Peter
* 7-12-1886 (Johann Peter) a Thalkirch (vischn. da Stussavgia), † 13-9-1977 a Walzenhausen/AR, ref., da Tschupegna. Figl da Johann Peter, lainari, e da Maria Barbara n. Gander. ∞ 1908 Anna Barbara Obrecht, figlia dad Alexander Buchli, vaiva da Leonhard Obrecht. Malgrà la mancanza d'ina scola secundara a Thalkirch èsi reussì a F. d'entrar en il Seminari scolastic a Cuira. Mag. primar a Flearda ed a Walzenhausen 1908-32. Manader politic dal moviment dals lavurers en l'Appenzell Dadora, fundatur da la secziun da la PS da Walzenhausen 1917 e dal cartel sindical chant. 1919. Il 1932 è F. daventà successur da Howard Eugster; cuss. guv. 1932-52 (directur dals affars communals e da sanitad) e cuss. naz. 1932-55. Ultra da dumondas socialas e militaras è F. s'engaschà en il Parlament federal o.t. per ils purs da muntogna e per la renconuschientscha da la lingua rum.; pres. da la cumissiun fed. per la sanaziun dals torrents da muntogna en il chantun Grischun, comm. da la cumissiun militara federala. Suenter l'adesiun da la PS da l'Appenzell Dadora a la Partida svizra da la lavur (1944), ha F. fundà ina nova Partida socialdemocratica da l'Appenzell Dadora.


Litteratura:
Appenzeller Zeitung, 16-9-1977; 28-7-1984; Appenzellische Jahrbücher, 104/1977, 48 s.

Thomas Fuchs

lemma precedents Flia, Clau daFlond lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :