e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Kind, Paulus Kindschi, Martin  Kind, Silvia * 15-8-1907 a Cuira, † 30-5-2002 a Port Angeles (Washington), da Cuira. Figlia da Gottfried, colonel ed instructur da circumdari, e dad Ida Maria Hedwig n. Aldinger. Nubila. K. ha terminà ses studi al Conservatori da Turitg cun il diplom da magistra da clavazin e da contrapunct. Il 1930-36 ha ella studegià cumposiziun tar Paul Hindemith a la Scola auta da musica a Berlin ed ha obtegnì il 1935 il diplom da concertista da clavazin (Edwin Fischer) ed il 1936 quel da cembalo (Eta Harich-Schneider). A partir dal 1936 è ella stada assistenta da Hermann Scherchen a Turitg, nua ch'ella ha dirigì dus chors da lavurers. En ils onns 1948-65 ha K. instruì cembalo e musica da chombra a la Scola auta da musica a Berlin. Ella ha fatg ina briglianta carriera internaz. sco solista da cembalo ed ha promovì o.t. las ovras da cumponists contemporans, tr.a. il concert da cembalo da Peter Mieg. Il 1964 ha K. interprendì sia emprima turnea da concerts en ils Stadis Unids ed en il Canada. Dal 1969-79 è ella stada prof. a l'Univ. da Washington a Seattle, nua ch'ella ha influenzà la maniera d'intepretar las ovras da Johann Sebastian Bach. Premi da la Fundaziun fed. Pro Arte 1971. Ovras: Peter Mieg und das Cembalo, 1997; Monologe, [2000]. Litteratura: SML, 207 s. Regula Puskás  Kind, Paulus Kindschi, Martin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: