Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Uina, Val d'Ultramontanissem lemma sequent

Ulrich, Jakob
* 23-9-1856 a Waltalingen/ZH, † 5-9-1906 a Turitg, ref., da Waltalingen. Figl da Jakob, magister. Nubil. Studi da linguas indoeuropeicas e da filologia rom. a Turitg e Paris (tar Gaston Paris und Paul Meyer), anglistica a Londra. Docent privat da filologia rom. a l'Univ. da Turitg 1880, prof. eo. 1884, ordinarius 1901. En il center da sia ovra, che cumpiglia la totalitad da las linguas e litteraturas rom., stattan ediziuns da texts ed antologias davart il franzos, provenzal, talian e retorumantsch. Ses champ preferì era la retoromanistica. El ha procurà per pliras ediziuns da texts rum., tr.a. l'«Engadinische Chrestomathie» (1882) e l'«Oberländische Chrestomathie» (1883). Sia ovra la pli impurtanta è l'ediziun da «Der engadinische Psalter des Chiampel» (1906).


Litteratura:
NZZ, 27 e 28-11-1906; Romanische Forschungen, 20/1907, 635-40 (cun bibliogr.).

Ricarda Liver

lemma precedents Uina, Val d'Ultramontanissem lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :