Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Wismair [Wyssmayer], LeonhardWolf, Peter lemma sequent

Wissel, Fredy
* 10-3-1905 (Frédéric) a Genevra, † 20-3-1994 a S. Murezzan, ref., Tudestg, da Genevra (a partir dal 1925) e da S. Murezzan (a partir dal 1962). Figl da Heinrich, hotelier, e da Hedwig n. Kreutzer. ∞ 1932 Ursina n. Fratschöl, figlia da Daniel, dad Ardez. Emprendissadi da cuschinunz e camarier a Genevra. Hotelier, a partir dal 1924 en il manaschi patern a S. Murezzan. Dapi il 1939 aviatur a vela, a partir dal 1942 pilot instructur. Brevet per sgols cun aviuns a motor 1948. Piunier da sgols cun atterrament sin glatschers: il 1950 è W. sa tschentà cun in Piper L4 equipà cun skis sin la Corviglia ed ha cun quai fundà il salvament cun agid d'eroplans. Tras ina tecnica da partenza e d'atterrament sin naiv e glatsch perfecziunada al èn reussids passa 100 salvaments en muntogna e 15'000 atterraments, o.t. cun in monoplan ad ala auta dal tip Maule M4 a quatter plazzas. Sco emprim pilot civil per atterraments sin glatschers e per salvaments è W. sa mess a disposiziun da bell'entschatta a la Guardia aviatica svizra da salvament.


Litteratura:
T. Haverkamp, Der fliegende Hotelier, 1994.

Peter Müller-Grieshaber

lemma precedents Wismair [Wyssmayer], LeonhardWolf, Peter lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :