Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Politica da granezzaPoltera, Roc lemma sequent

Polizia chantunala
Avant il 1803 na disponiva il Grischun betg d'ina polizia statala organisada. Responsabels per l'urden public eran las vischnancas ed ils cumins, e mo la citad da Cuira aveva ina polizia ordinaria. Dapi il 1766 disponiva mintga Lia d'in uschen. langegar u harschier che controllava ils vagants. Il 1804 è vegnì furmà in corps da polizia cun in corporal e set policists, e dal 1813 datescha l'emprim reglament da servetsch detaglià (polizia criminala e polizia d'esters). La polizia chant. aveva ses domicil en il Karlihof vegl, alura en il nov sper la Chasa Grischa a Cuira e dapi il 1969 en in nov stabiliment a la Kasernenstrasse/Ringstrasse. Dapi il 1952 dispona ella d'ina polizia da traffic, organisada actualmain en las tschintg regiuns Rain (cun sedia a Landquart), Surselva (Glion), Mesolcina (S. Bernardin), Engiadina (Silvaplauna) e Grischun Central (Tavau). La polizia criminala ed ils servetschs spez. opereschan davent da Cuira. Ils 6-11-1904 è vegnida fundada a Panaduz la Federaziun grischuna dals funcziunaris da polizia (iniziant ed emprim pres. è stà Christian Frigg). 


Litteratura:
175 Jahre Kantonspolizei Graubünden 1804-1979. 75 Jahre Bündnerischer Polizeibeamten-Verband 1904-1979, 1979; Kantonspolizei Graubünden 1804-2004, [2005]; D. Zinsli, Kantonspolizei Graubünden, en: Bü. Kal., 2008, 77-85.

Adolf Collenberg

lemma precedents Politica da granezzaPoltera, Roc lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :