e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Könz, Steivan Liun Kramer  Könz [Koenz], Jachen Ulrich * 2-3-1819 a Guarda, † 7-3-1901 a Guarda, ref., da Guarda. Figl da Jachen Ulrich, pur e landamma, e dad Anna Stasia n. Troll. ∞ Anna n. Steiner, figlia da Peider, medi a Lavin. Scola primara a Guarda, instrucziun privata, Scola chantunala evang. a Cuira, stud.iur. a Turitg e Jena. Fundatur da la gasetta emnila «L'Aurora d'Engiadina» (1843). Pur, negoziant da vin ed ierdi ed advocat a Guarda, cumproprietari da l'Hotel da la Posta a Scuol e da stabiliments termals en Vuclina. Actuar cirq. 1845-49 e pres. dal cirquit da Sur Tasna 1853-55, pres. da la dretgira dal distr. d'En 1876-99, derschader chant. 1863-98. Comm. dal Cussegl grond 1847-99 (cun interrupziuns 1849-51 e 1855-57) e cuss. guv. 1862. Delegà en il Cussegl dals chantuns 1872-73, elegì da la maioritad federalistica ("Antis") dal Cussegl grond, ma betg pli reelegì da la maioritad lib.-rad. ("Revis"). Liberal resolutamain federalistic, engaschà o.t. en la politica da traffic ed il turissem. Pres. dal cussegl administrativ e cumproprietari da la Chasa da cura Tarasp SA. Ovras: Alchünas composiziuns e versiuns da J.U. K., cussglier dels stadis, edidas dad O. Gaudenz, en: Annalas, 23/1909, 75-122. Litteratura: O. Gaudenz, Cussglier dels stadis Jachen Duri da Steivan Koenz, en: Annalas, 21/1906, 1-46 (cun purtret); Gruner, Bundesversammlung 1, 617. Jürg Simonett  Könz, Steivan Liun Kramer  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: