e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bischoff, Nicolin Blaurock, Jörg  Blasius, Johannes * ca. 1490, † 18-7-1550 a Cuira, d'origin nunenconuschent (forsa Val Müstair u Plür). Enconuschent  mo en la furma lat. dal num. B. aveva bunas enconuschientschas da las linguas veglias, inclus l'ebraic. Da ses studis na san ins nagut. Plevon ref. a Malans 1526-30 ed a la S. Regula, la segunda baselgia da la citad da Cuira, 1530-50. B. è stà, suenter Johannes Comander, il refurmatur il pli impurtant da Cuira e dal Grischun. El ha participà a las Disputaziuns da religiun a Glion (1526) ed a Susch (1537). Pervia da sia fervenza refurmatorica e sia opposiziun al servetsch da mercenari è el sa fatg blers inimis. Confundatur da la scola da lat. a Cuira 1539. La citad da Cuira e la Sinoda evang. retica han incaricà el savens cun missiuns. Autur, ens. cun Comander, da l'emprim catechissem grischun.    Funtaunas: Bullingers Korrespondenz mit den Graubündnern 1, edì da T. Schiess, 1904. Litteratura: W. Jenny, Johannes Comander 1, 1969. Conradin Bonorand  Bischoff, Nicolin Blaurock, Jörg  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: