Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bischoff, NicolinBlaurock, Jörg lemma sequent

Blasius, Johannes
* ca. 1490, † 18-7-1550 a Cuira, d'origin nunenconuschent (forsa Val Müstair u Plür). Enconuschent  mo en la furma lat. dal num. B. aveva bunas enconuschientschas da las linguas veglias, inclus l'ebraic. Da ses studis na san ins nagut. Plevon ref. a Malans 1526-30 ed a la S. Regula, la segunda baselgia da la citad da Cuira, 1530-50. B. è stà, suenter Johannes Comander, il refurmatur il pli impurtant da Cuira e dal Grischun. El ha participà a las Disputaziuns da religiun a Glion (1526) ed a Susch (1537). Pervia da sia fervenza refurmatorica e sia opposiziun al servetsch da mercenari è el sa fatg blers inimis. Confundatur da la scola da lat. a Cuira 1539. La citad da Cuira e la Sinoda evang. retica han incaricà el savens cun missiuns. Autur, ens. cun Comander, da l'emprim catechissem grischun.
  


Funtaunas:
Bullingers Korrespondenz mit den Graubündnern 1, edì da T. Schiess, 1904.

Litteratura:
W. Jenny, Johannes Comander 1, 1969.

Conradin Bonorand

lemma precedents Bischoff, NicolinBlaurock, Jörg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :