Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MascioniMasino, Val lemma sequent

Mascioni, Grytzko
* 1-12-1936 a Villa di Tirano (Vuclina), † 12-9-2003 a Nizza, cat., da Brüsch. Figl da Diego, commerziant, e da Maria Antonietta n. de Meo. ∞ 1) 1961 Ernestina Pedretti, translatura, 2) 2003 Angela n. Buogo. Scola media a Sunder, studi da scienzas umanas e giurisprudenza a Milaun. Redactur, producent ed autur a la Televisione della Svizzera Italiana 1961-91, directur da la «Gazzetta Ticinese». Directur da l'Institut da cultura tal. a Zagreb 1992-96. Pres. da l'Associazione degli scrittori della Svizzera italiana 1980-87 e dal PEN-Club da la Svizra tal. e rumantscha. Autur dad ovras en prosa («La notte di Apollo», 1990; «Puck», 1996), essais («Lo specchio greco», 1980; «Saffo», 1981; «La pelle di Socrate», 1991) e collecziuns da poesias («Poesia, 1952-1982», 1984; «Angstbar», 2003). Ina buna part da las ovras da M. è deditgada a l'exploraziun dal mund grec ch'el prenda sco motiv per ina retschertga culturala ed existenziala exprimida en furma da diari en ina lingua cultivada e savens manierada. Premi grischun da cultura 1985, Grond Premi da la Fundaziun Schiller svizra 2000.
Litteratura:
Giornale del Popolo, 16-9-2003; Le Temps, 17-9-2003; QGI, 73/2004, 9-32, 116-33; 76/2007, 373-462; BJb, 2005, 156-58.

Fernando Iseppi

lemma precedents MascioniMasino, Val lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :