e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Capaul, Albert Capaul, Gion Bistgaun  Capaul, Duri * 22-5-1923 a Lumbrein, + 26-7-2009 a Cuira, cat., da Lumbrein. Figl da Gion Bistgaun. ∞ Clara Hermina n. Hunkeler, dr.med.dent., figlia da Martin, dr.med.vet., d'Altishofen/LU. Gimnasi a Cuira, stud.iur. a Berna, Genevra e Friburg, dr.iur. 1948 («Strafrechtliche Fragen zur Weinfälschung») ed advocat. Suenter in segiurn en ils Stadis Unids, avertura d'in biro d'advocatura a Glion 1960, advocat d'economia a Cuira dapi il 1965. Comm. dal Cussegl grond 1959-69 (per il cirquit da la Lumnezia), comm. dal directori da la Banca Chantunala Grischuna 1969-79, da la cumissiun da bancas fed. 1962-78 e da quella dal Principadi da Liechtenstein 1979-96. Confundatur dal Forum Economic Mundial a Tavau. Rimnader passiunà o.t. d'art figurativ e da graficas che documenteschan regiuns ed avdants dal Grischun. Constituziun, ens. cun sia dunna, da la Fundaziun Capauliana 1986 cun l'intent da render accessibel a la publicitad ed a la scienza la collecziun d'ovras d'art e da doc. istoric-culturals (ca. 12'000 objects) e da sustegnair giuvens artists dal Grischun. Premi da renconuschientscha dal chantun Grischun 1994. Ovras: Lugnez und Valsertal, 1967 (ens. cun L. Schmid); Graubündner Kantonalbank 1930-1970, 1974; Lumnezia und Valsertal, 1988 (ens. cun P. Egloff). Litteratura: Graubünden im Bild: die Fundaziun Capauliana, edì da M. Obrist, 2003; NZZ, 28-7-2009. Adolf Collenberg  Capaul, Albert Capaul, Gion Bistgaun  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: