Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Cahannes, GionCajochen, Rudolf lemma sequent

Cajakob, Georg
* ca. 1491/92, † 6-9-1529 sin il stgandler a Klausen (Tirol dal Sid), da Panaduz, numnà era Jörg Blaurock, Jörg il Ferm u Paulus II. Figl da purs. Seminari da spirituals a S. Gliezi/Cuira. Studis a Lipsia 1513. Plevon a Trin 1516-18. C. è s'associà a la Refurmaziun ed è sa domicilià cun sia dunna Elsa a Turitg l'entsch. dal 1525. Ils 21-1-1525 ha el retschavì a Zollikon/ZH il batten anabaptistic tras Konrad Grebel. Il surnum Blaurock ha C. obtegnì suenter ina disputaziun davart la religiun a Turitg, durant la quala el ha purtà in mantè blau. Per propagar l'anabaptissem ha el missiunà a Turitg, alura en l'Appenzell, plinavant a Basilea, Berna e Bienna, en il Tirol e - malgrà il scumond da l'anabaptissem il 1526 - adina puspè era en il Grischun. Sia missiun è stada accumpagnada d'arrestaziuns, exiliaziuns e torturas. Duas chanzuns da C. èn conservadas en il cudesch da chant anabaptistic «Ausbund».



Funtaunas:
Quellen zur Geschichte der Täufer in der Schweiz, edì da L. von Muralt, W. Schmid, 1, 1974², 406 s.; 2, edì da H. Fast, 1973, 728.

Litteratura:
J.A. Moore, Der starke Jörg, 1955; H. Berger, Bündner Kirchengeschichte, 2. part, 1986, 59-62.

Ulrich J. Gerber

lemma precedents Cahannes, GionCajochen, Rudolf lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :