Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Köhl, EmilKönz, Constant lemma sequent

Kollegger, Heiri
* 8-4-1925 (Joseph Heinrich) ad Alvagni, † 8-7-2007 ad Alvagni, cat., da Vaz. Figl da Johann Georg, pur, e da Maria Martina n. Ammann. Parentà cun il cumponist Paul K., da Vaz. ∞ Irene Maria n. Rampa, da Brüsch. Furmaziun da chalger (1947-50), alura emploià d'hotel. Suenter ina furmaziun da serrer, è K. sa laschà engaschar da las Pendicularas Piz Nair, alura sco conductur (a partir dal 1962) e chau-lingia da las Funicularas S. Murezzan-Corviglia (1977-92). Fundatur da la chapella Belfort (1972), da la St. Moritzer Husmusik (1976, numnada pli tard Huusmusig) ch'è daventada il 1990, suenter il return da K. ad Alvagni, la Huusmusig K., la pli gronda chapella da fam. da la Svizra (cun K. e set da ses otg uffants). Ella ha dà numerus concerts en l'entir mund. K. è stà durant decennis ina figura marcanta da la musica populara svizra. El ha realisà div. plattas grondas, cassettas e discs cumpacts dapi il 1978. Restauratur polivalent, o.t. dad instruments da percussiun. Comm. d'onur da la Federaziun da musica populara svizra. Premi da renconuschientscha dal chantun Grischun 2003. 


Ovras:
Typisch Huusmusig K., 2005.

Litteratura:
E. Roth, Lexikon der Schweizer Volksmusikanten, 1987, 95.

Adolf Collenberg

lemma precedents Köhl, EmilKönz, Constant lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :