Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Stanyan, AbrahamSTE lemma sequent

Staub, Roger
* 1-7-1936 ad Arosa, † 30-6-1974 a Verbier, ref., dad Oberrieden ed Arosa. Figl da Jules Jean, pictur stuccatur, e dad Annita n. Landolth. ∞ Lilo n. Haussener, annunziadra da televisiun. L'emprim, cun success, giuvader da hockey tar l'EHC Arosa. Suenter la tripla victoria als campiunadis svizzers da skis alpins dals juniors il 1955 è S. sa decidì per ina carriera da skiunz. Il 1956 ha el cuntanschì la quarta plazza en la cursa aval a l'Olimpiada, il 1958 ha el gudagnà la medaglia d'argent al Campiunadi mundial en la cursa aval e mintgamai la medaglia da bronz en il slalom gigant ed en la cumbinaziun. A l'Olimpiada dal 1960 ha el gudagnà aur en il slalom gigant. Suenter la fin da sia carriera sco curridur da skis il 1961 ha el fundà in'atgna scola da skis a Vail (Colorado) ed ha sviluppà sco commerziant dad artitgels da sport l'uschen. chapitscha da Roger Staub. Piunier (ens. cun Art Furrer) da l'acrobatica sin skis. Il 1974 è el crudà a mort durant in sgol da test cun in delta.  


Litteratura:
BZ, 1-7-1974.

Adolf Collenberg

lemma precedents Stanyan, AbrahamSTE lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :