e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Boner, Ambrosius Bonhomme de Comeyras, Pierre-Jacques  Boner, Georgette * 4-2-1903 a Milaun, † 26-11-1998 a Turitg, ref., da Cuira e Malans. Figlia da Georg, inschigner ed administratur delegà da la BBC, e dad Alice Kathrine n. Brown. Sora dad Alice. Nubila. Gimnasi a la scola superiura da mattas a Turitg, studi da germanistica a Turitg, dr.fil. 1928, daspera lecziuns d'art dramatic (teater e reschia) tar Max Reinhardt a Vienna 1924 e Ferdinand Gregori a Berlin 1926. Assistenta da Georges Pitoëff al Théâtre des Arts a Paris 1929-39, per in curt temp directura da la Deutsche Bühne a Paris a partir dal 1930; lunga collavuraziun e turneas a l'ester cun Michael Tschechov dapi il 1932. A partir dal 1939 ha B. vivì surtut en Svizra, nua ch'ella è sa deditgada en spezial a la pictura (o.t. temas religius e filosofics), ha instruì l'art dramatic (o.t. a Turitg) ed inscenà tocs da teater cun laics. Div. exposiziuns a Turitg, publicaziuns davart il teater e la pictura. Tr. il 1938 ed il 1981 è B. sa rendida pliras giadas e per temps pli lungs en l'India. Litteratura: V. Bodmer-Gessner, Die Bündnerinnen, 1973, 122 s.; AKL 12, 512; Georgette B., edì dad E. Fischer, E.-M. Preiswerk, 1996. Andrea Weibel  Boner, Ambrosius Bonhomme de Comeyras, Pierre-Jacques  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: