Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Boldini, RinaldoBon, Hans lemma sequent

Bon, Anton
* 5-4-1854 a Ragaz/SG, † 24-1-1915 a S. Murezzan, cat., da Ragaz. Figl da Sebastian, president com. ∞ Marie n. Nigg. Suenter ina furmaziun d'hotelier, è B. stà directur da l'Hotel Bodenhaus a Spleia il 1879 ed ha acquistà l'Hotel Rigi First il 1885. El ha laschà construir il 1900-02 il Parkhotel a Vitznau/LU ed il 1911-12 il Suvretta House a S. Murezzan, hotel da luxus projectà da l'architect Karl Koller en il stil da l'Istorissem tardiv. B. è stà comm. da la suprastanza da la Societad svizra dals hoteliers il 1890-97 ed il 1909-15 e vegn considerà sco in dals piuniers dal turissem svizzer da la fin dal 19. tschientaner.


Litteratura:
FR, 26-1-1915; F. Ammann, Genealogische Kartei traditionsreicher Hoteliers- und Gastwirte-Familien, 1977, quad. 7, 13; Suvretta House St. Moritz 1912-1987, [1987], 5-16.

Silvio Margadant

lemma precedents Boldini, RinaldoBon, Hans lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :