Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents VictorVictorids lemma sequent

Victor da Tumegl [Vetger da Tumegl]
Il sacerdot legendar V. da Tumegl dal 9. tsch. duai esser vegnì decapità d'in cugliunader e duai alura avair purtà ses chau sin ina collina sper Tumegl, sin la quala è vegnida erigida ina chaplutta consecrada il 1449. La perdunanza è ils 8 da matg, il di dal martir milanais Victor Maurus, stgavazzà l'onn 303, uschia ch'i pudess sa tractar en il cas da la legenda da V. d'ina reinterpretaziun locala  da la legenda da Victor Maurus. Il di dal s. V. è dentant ils 28 da matg. El è vegnì venerà dapi il 1496, cura che sias reliquias èn vegnidas transferidas da Tumegl en la claustra da Cazas. Il 1646 è vegnida redigida qua probablamain la Vita «In festo S. Victoris Tomilensis Presbyteri et Martyri». Perditgas iconograficas dal 16. tsch. tempriv sa chattan en la chaplutta da S. V. a Tumegl. En il cas dal martiri dechantà en la «Canzun de s. Vetger de Tumegl» (stampada il 1731) sa tracti d'ina legenda secundara, en la quala V. è vegnì decapità da dus famegls per incumbensa dal cont Jörg de Werdenberg.


Funtaunas:
Proprium Sanctorum Antiquissimi Episcopatus Curiensis, 1646.

Litteratura:
H. Batz, Die Kirchen und Kapellen des Kantons Graubünden 2, 2003, 1007; R. Di Natale, Das Kephalophoren-Wunder in churrätischen Viten, 2005, 113-42, 198-207 (chanzun).

Ruedi Graf

lemma precedents VictorVictorids lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :