Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BonalinBonalino, Taddeo lemma sequent

Bonalini [Bonalino], Giovanni
* a Roveredo, † 1633/36 prob. en Germania. Architect activ o.t. en Franconia e Turinga. B. ha construì il 1614-15 cun ses frar Giacomo la baselgia parochiala da S. Otto a Reundorf (Baviera). Il 1615 è el menz. sco architect a la curt dals prinzis-uvestgs da Bamberg. Il 1622 ha il duca da Coburg incumbensà el da restaurar il chastè dad Ehrenburg (Franconia Superiura). Il 1624 ha B. stgaffì l'ospital dador ils mirs da la citad da Schesslitz (Franconia Superiura), il 1625 l'edifizi per ils fasans a Seehof per incumbensa dal prinzi-uvestg Johann Georg Fuchs von Dornheim sco era la baselgia da Kleukheim (Franconia Superiura), il 1625-26 la chaplutta da la Sontga Fossa a Neunkirchen am Brand (Franconia Superiura). Il medem onn 1625 è el vegnì incumbensà da restaurar la baselgia da S. Steffan a Bamberg. Il 1627 ha el lavurà vi da la construcziun da la baselgia da l'Univ. da Würzburg.



Litteratura:
Zendralli, I magistri grigioni, 24, 71 s.; M. Pfister, Baumeister aus Graubünden - Wegbereiter des Barock, 1993; A. Michel, Der Graubündner Baumeister Giovanni B. in Franken und Thüringen, 1999.

Cesare Santi

lemma precedents BonalinBonalino, Taddeo lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: