Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Meyer L.Meyer [-Marthaler], Elisabeth lemma sequent

Meyer [-Lübke], Wilhelm
* 30-1-1861 a Dübendorf/ZH, † 4-10-1936 a Bonn, ref., da Turitg. Figl da Wilhelm e dad Emma n. Frei. ∞ 1889 Hermine n. Lübke. Studi da linguistica cumparativa a Turitg 1879-81 e Berlin 1882-83, dr.fil a l'Univ. da Turitg 1883. Docent privat da linguistica cumparativa a l'Univ. da Jena 1887, prof. eo. 1890-92 e prof. ord. da filologia rom. a l'Univ. da Vienna 1892-1915 (rectur 1906-07), prof. ord. da linguistica rom. a l'Univ. da Bonn 1915-28. M. è stà in dals linguists ils pli enconuschents da ses temp ed ha publitgà studis fundamentals davart grammatica ed etimologia, en ils quals el ha applitgà a moda exemplarica las metodas da la linguistica indoeuropeica al studi da las linguas romanas. Ina plazza impurtanta en sia vasta producziun scientifica occupa il «Romanisches Etymologisches Wörterbuch» (set ediziuns tr. 1899 e 2009), in manuel critic davart ils dialects dal territori linguistic rom. anc oz indispensabel per studis da quella disciplina. 


Litteratura:
NDB 17, 303 s.; P. Wunderli, Wilhelm M.-Lübke (1861-1936), en: Les linguistes suisses et la variation linguistique, edì da J. Wüest, 1997, 57-82; G. Schneider, Die Junggrammatiker, en: LRL 1/1, 176-89.

Mario Frasa

lemma precedents Meyer L.Meyer [-Marthaler], Elisabeth lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: