Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Beeli, ConradinBeeli, Georg [Jörg] (von Belfort) lemma sequent

Beeli, Georg (von Belfort)
* prob. ad Alvagni, † 6-7-1607 a Cuira, cat., d'Alvagni. Prob. figl da Conradin, podestat e landfoct da Maiavilla. Persuna pussanta en la dretgira da Belfort Dadens. Vicari en Vuclina 1587-89. Chastellan austr. da las Otg Dretgiras, resident sin il chastè da Castels 1595-1605. En conflict permanent (malgrà sia appartegnientscha a la LDD) cun ils protestants dal Partenz, aderents da la partida franco-venez., è B. fugì il 1605 a Cuira. Cumbain ch'el è stà sez in dals instigaturs da l'uschen. Revolta gronda dal 1607, è el vegnì arrestà l'avrigl en la residenza episcopala e mess en fermanza en la praschun da la citad. Sut pressiun dal Partenz e da l'Engiadina Bassa al ha in'autra dretgira nauscha laschà torturar il zercl. 1607 ed alura executar ils 6 da fanadur per instigaziun a la revolta e spergiur. B. è stà in grond manader da la partida spagn.-austr. a la vigilgia dals Scumbigls grischuns.



Litteratura:
Gillardon, Zehngerichtenbund, 114, 121 s., 146 s.

Jürg Simonett

lemma precedents Beeli, ConradinBeeli, Georg [Jörg] (von Belfort) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: