e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bondolfi, Pietro Boner, Ambrosius  Boner, Alice * 22-7-1889 (Alice Margeritha) a Legnano (Lumbardia), † 13-4-1981 a Turitg, ref., da Cuira e Malans. Figlia da Georg, inschigner ed administratur delegà da la BBC, e dad Alice Kathrine n. Brown. Sora da Georgette. Nubila. Studi da pictura e sculptura a Bruxelles, Minca e Basilea 1907-11, alura sculptura libra a Turitg e dal 1928-35 a Paris. Il 1929-30 ha B. accumpagnà la truppa dal ballarin Uday Shankar sin in viadi tras l'India. Il 1935 ha ella prendì domicil en l'India, nua ch'ella ha lavurà sco pictura (tr.a. cumposiziuns figurativas, cuntradas e motivs religius) e publicista. Donatura dal Museum Rietberg a Turitg. Dr.h.c. da l'Univ. da Turitg 1970, onurada tras il pres. da l'India il 1974.   Ovras: Indien, mein Indien, 1984. Litteratura: A. Boner und die Kunst Indiens, catalog d’expos., Turitg e Cuira 1982; KLS 1, 113; BLSK 1, 136; Fraubünden 1, 251. Leza Dosch  Bondolfi, Pietro Boner, Ambrosius  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: