Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bonomi [Bonhomini], Giovanni FrancescoBorgonovo lemma sequent

Bonorand, Conradin
* 8-7-1914 a Vuorz, † 13-8-1996 a Cuira, ref., da Susch. Figl da Conradin Samuel, plevon, e d'Elisa n. Caspescha. ∞ Annaluisa n. Andry, da Ramosch. Gimnasi a Cuira, stud.teol. a Turitg, Roma e Berlin. Plevon a Riein, Pitasch e Duin 1939-44. Studis d'istorgia a Turitg e Pavia 1944-49, dr.fil. a Turitg 1949. Il 1949-52 ha B. collavurà a la biografia da Vadian, edida da Werner Näf. Plevon a Luven e Flond 1952-72, dasperas en ses temp liber, a partir dal 1972 a temp cumplain, studis davart Vadian. Retschertgas biograficas en Svizra ed a l'exteriur, div. publicaziuns da studis davart il conturn umanistic da Vadian, tr.a. «Vadian und die Ereignisse in Italien im ersten Drittel des 16. Jahrhunderts» (1985) e «Vadian und Graubünden» (1991). Postum è cumparida la «Reformatorische Emigration aus Italien in die Drei Bünde» (2000). Dr.h.c. da la facultad teologica da l'Univ. da Turitg 1988.


Litteratura:
H.U. Bächtold, Zum 80. Geburtstag von Conradin B., en: Zwingliana, 21/1994, 7 s.; Casa Paterna, 23-8-1996.

Martin Bundi

lemma precedents Bonomi [Bonhomini], Giovanni FrancescoBorgonovo lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: