e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Borromeo, Carlo Bos-cha  Borroni [Borrone], Broccardo * avant il 1555 a Busseto en vischinanza da Parma, † il 1619 (evtl. pli tard). Studis a Parma e Basilea 1594. Fugia a Clavenna 1595, preditgant ref. (sut in fauss num) a Traona. Chancelier dal cumissari da Clavenna 1596. Allianza clandestina cun il papa, cun Milaun e cun l'Inquisiziun, als quals el ha denunzià div. preditgants cun l'intent d'extirpar la cretta ref. en las vals tal. dal Grischun ed en Vuclina e d'instigar ils subdits cunter il Grischun. Il 1596 è B. vegnì arrestà ed accusà d'avair fatg abus da sia pussanza e d'avair disturbà l'urden public; el è alura puspè vegnì mess en libertad suenter esser vegnì torturà senza success. Il 1600 han ins bandischà el dal Grischun. Il 1601 ha el transmess sias «Informatione» davart las Trais Lias al papa Clemens VII e recumandà al cont Fuentes da construir ina fortezza sisum il Lai da Com. Il sett. 1601 han ils Grischuns condemnà el a la mort e scrit ora ina premia per l'arrestaziun da B. ch'è fugì via la Germania en l'Ungaria, nua che ses fastizs èn sa pers. Litteratura: HBLS 2, 316 s.; DBI 13, 97-103; Bonorand, Reformatorische Emigration. Adolf Collenberg  Borromeo, Carlo Bos-cha  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: