Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SchänisScharons lemma sequent

Schänni [Schenig, Seni, Sciano]
Famiglia da politichers dal Valragn, residenta o.t. a Novagnas e Spleia. Ella è stada dominanta en il Valragn ed ha appartegnì al circul extendì dal stan signuril da la Republica da las Trais Lias. Martin, landamma dal Valragn 1482 e 1485, è stà l'emprim dals numerus politichers che la lingia dal Valragn ha schendrà dal 16.-18. tsch.: 10 landammas, in landfoct a Maiavilla (Kaspar, 1561-63), in podestat da Murbegn (Christen, 1539-41) ed in vicari a Sunder (Nicolaus, 1615-17). Jacob (1600-69), chapit. en servetsch spagn. e schender dal col. Anton von Molina, ha obtegnì il 1648 dal protonotar apostolic e dal cont palatin Bernardino Gaudenzi in doc. da vopna cun conferma dal stan da noblezza. En il 17. e 18. tsch. han ils S. influenzà en maniera decisiva sco derschaders dals ports, inspecturs da vias e transportaders da vitgira il traffic da martganzia sur ils pass dal Spleia e dal S. Bernardin. Roms da la fam. sa chattan era a Sursaissa (in mastral il 1784), ed a Val è doc. la "Ditga dal Schänni".


Archiv:
ASGR.

Litteratura:
Splügen, ein Dorf, ein Pass, eine Landschaft, edì da K. Wanner, 1972; Collenberg, Amtsleute, 31, 34, 46.

Hans Rudolf Ammann-Schänni

lemma precedents SchänisScharons lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: