Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Brandis, Ortlieb vonBrandis, [von] lemma sequent

Brandis, Wolfhart V von
Attestà per l'emprima giada il 1408, † enturn il 1456, □ a Vaduz en la chaplutta funebra da S. Florin, reservada als conts de Werdenberg-Vaduz. Figl da Wolfhart IV, barun. ∞ Verena, figlia dad Albrecht III von Werdenberg-Bludenz. Lià tras in patg da conburgaisia cun Berna dapi il 1411, ha el ertà il 1418 la proprietad da la famiglia. Per preservar ses possess en la Svizra Orientala, è B. entrà  il 1429 en servetsch da l'Austria. Suenter la mort da Friedrich VII von Toggenburg ha el fatg part da la delegaziun austr. ch'ha negozià cun la vaiva da Friedrich per che quella renunzia a l'ierta toggenburgaisa. Tras sia dunna, ina nezza dal davos de Toggenburg, è B. sa segirà ina part d'ierta dal signuradi da Maiavilla ed il chastè da Marschlins sper Eigias. En la Veglia Guerra da Turitg ha B. cumbattì l'emprim da la vart da Sviz e Glaruna, alura (1444-46) senza success per Turitg e l'Austria en la regiun da Sargans. Tr. il 1437 ed il 1455 ha el vendì las proprietads bernaisas: il 1439 l'ierta da Weissenburg, il 1441 il signuradi da Brandis.
.


Litteratura:
P. Bütler, Die Freiherren von B., en: Jahrbuch für schweizerische Geschichte, 36/1911, 75-106.

Martin Leonhard

lemma precedents Brandis, Ortlieb vonBrandis, [von] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :