e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Brandis, [von] Branger, Tobias  Branger, Erhard * 14-6-1881 a Murten, † 21-1-1958 a Cuira, ref., da Tavau. Figl da Hans, scolast, e dad Anna n. Michel, da Tavau. ∞ Meta n. Hirzel, da Turitg. Scola primara a Tavau, gimnasi a Cuira, stud.iur. a Minca, Lipsia e Berna, dr.iur. 1905 («Rechtsgeschichte der freien Walser in der Ostschweiz»). Advocat a Tavau. Redactur dals «Davoser Blätter» fin il 1914, correspondent da la «Neue Zürcher Zeitung» (pseudonim: Steinbock). Comm. dal Cussegl grond 1911-36 (pres. 1932), pres. da la fracziun da la PL 1933 e (sut in auter num) da la  PLD 1934. Landamma dal cumin da Tavau 1920-36. Gronds merits sin ils champs dal svilup turistic (Pendicularas da Parsenn) e da la cultura (Societad d'art Tavau); pres. da l'uniun da traffic a partir dal 1927 e dal cussegl administrativ da la VR 1935-49, comm. dal cussegl administrativ da las VFF a partir dal 1938. Sut ses presidi èn succedidas l'innovaziun tecnica e la fusiun administrativa da las societads da las viafiers d'Arosa, dal Mesauc e dal Bernina. Litteratura: Davoser Revue, 33/1958, nr 1/2, 26-28; BJb, 1959, 141-43 (cun fotogr.). Adolf Collenberg  Brandis, [von] Branger, Tobias  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: