Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Adam da Val DruschaunaAdelbertus lemma sequent

Adda
Flum che percurra la Vuclina. L'A. nascha en la Val Fraele (tal. Valle di Fraéle/Valle Alpisella) al nord da Buorm e sbucca a Colico en il Lai da Com ed a Porto Stampa en il Po. En il temp medieval curriva l'A. en sia part inferiura en bleras serpentinas vers il vest, midava ad Olonio vers il nord e sbuccava a Bocca d'A. en l'odiern Lai da Mezzola. En il 15. tsch. è il lieu fortifitgà d'Olonio, sedia d'ina gronda plaiv e d'ina fiera dapi ca. l'onn 1000 ed impurtant center da defensiun a la Via Regina durant l'entir temp medieval, vegnì inundà repetidamain da l'A. Questas inundaziuns avevan isolà il Lai da Mezzola da l'ulteriur Lai da Com, transfurmond il Pian di Spagna en ina cuntrada da palì malsauna e nunabitabla che derasava sias nauschas odurs fin a Murbegn. Chanalisaziun da l'A. tr. Dubino e Colico 1858. Meglieraziun dal Pian di Spagna 1948/53. Durant il temp medieval pudev'ins navigar sin l'A. tr. il Lai da Com e Traona (Ponte di Ganda), ed ins flottava era laina sin quest tschancun dal flum. En il 16.-18. tsch. èn las dietas da las Trais Lias s'occupadas savens da dumondas da pestgar e da flottar sco era da dumondas da curreger ed arginar l'A.



Litteratura:
P. Pensa, L’A., il nostro fiume, 3 ts, 1991-97.

Martin Bundi

lemma precedents Adam da Val DruschaunaAdelbertus lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :