e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Branger, Erhard Braschler, Otto  Branger, Tobias * 21-11-1803 a Tavau, † 29-5-1860 a S. Petersburg, ref., da Tavau. Oriund d'ina fam. gualsra da purs e lainaris. ∞ 1832 Margareth n. Isler, sora da Johann Luzius. Enturn il 1819 è B. emigrà a S. Petersburg, nua ch'el ha fatg in emprendissadi da pastizier. Il 1831 è el daventà il partenari da Salomon Wolf ch'aveva surpiglià la pastizaria da ses aug Johannes Wolf; al Nevskij Prospekt 18 è uschia naschì il cafè litterar Wolf e Béranger (versiun franzosisada da B.), frequentà da tut ils gronds scripturs, da Puschkin a Dostojevski. A partir dal 1850 ha B. manà ens. cun Domenic Riz à Porta l'emprim café-restaurant russ al Nevskij Prospekt 24. Curt avant sia mort ha el stuì vender il pitschen chastè da B. a Tavau ch'è daventà pli tard l'Hotel Strela. Litteratura: Bühler, Bündner im Russischen Reich. Roman Bühler  Branger, Erhard Braschler, Otto  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: