Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents PuterQuadra lemma sequent

Quaderni grigionitaliani
Revista fundada il 1931 dad Arnoldo Marcelliano Zendralli cun l'intent da contribuir a la furmaziun da l'identitad dal Grischun talian. Ella vegn edida da l'associaziun Pro Grigioni Italiano (Pgi) e vegn stampada dapi il 1939 da la tipografia Menghini a Poschiavo. Ils Q. èn vegnids dirigids da Zendralli sez fin il 1958, alura da Rinaldo Boldini (1959-87), Massimo Lardi (1988-97), Vincenzo Todisco (1998-2004), Andrea Paganini (2004-05) e, suenter ina curta fasa da transiziun, da Jean-Jacques Marchand (dapi il 2006). La revista, extratga en ca. 1000 exemplars en ils onns 2005-10, publitgescha quatter numers l'onn (dals quals in tematic) che dattan perditga da la vitalitad culturala da las vals tal. dal chantun Grischun. Ella edescha ovras inedidas da scripturas e scripturs contemporans sco era artitgels davart l'istorgia, la litteratura, l'art, la societad u la vita professiunala dal Grischun tal., ma era d'utrò.


Litteratura:
Scrittori del Grigioni Italiano, edì dad A. e M. Stäuble, 1998, 19-24, 211-15 (2008²); QGI, 70/2001, 202-05; 73/2004, 107-11.

Antonio Stäuble

lemma precedents PuterQuadra lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: