e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Schaff, Philip
≈ 12-1-1819 a Cuira, † 20-10-1893 a New York, ref., da Cuira. Figl illegitim da Philipp, maister scrinari, e dad Anna n. Louis. 1845 Mary Elisabeth n. Schley. Scolas a Cuira ed a Stuttgart, stud. teol. a Tubinga, Halle e Berlin 1837-40. Ordinà ad Elberfeld (oz Wuppertal) 1844. Habilitaziun a Berlin 1842. Segiurn a Londra. Prof. al Seminari dals predicaturs tud.-ref. a Mercersburg (Pennsylvania) 1844-63. A partir dal 1864 è S. stà, cun interrupziuns, prof. d'ebraic e da litteratura biblica a l'Union Theological Seminary a New York, nua ch'el ha occupà ina professura per simbolica a partir dal 1870 e per istorgia da la Baselgia a partir dal 1887. L'illegitimitad da sia naschientscha ha exclus S. da l'uffizi parochial en il Grischun. Ina professura offerta ad el il 1843 a Turitg ha el refusà. El simpatisava cun il moviment da resvegl ch'el aveva emprendì d'enconuscher tr.a. tras il reverenda da Cuira Paul Kind e tras August Neander. Cun Meta Heusser-Schweizer ha el tgira in'amicizia. Sia «History of the Christian Church» (1882-92) vala sco ovra da standard. Il 1873 ha S. organisà sco comm. principal da l'Allianza evang. la radunanza gen. da quella. Il 1877 è el stà confundatur da l'Allianza ref. ad Edinburgh.
Litteratura:
G.K. Pranger, Philip S. (1819-1893), 1997; G. von Kloeden, Evangelische Katholizität: Philip S.s Beitrag zur Ökumene - eine reformierte Perspektive, 1998; Deutsche Biographische Enzyklopädie der Theologie und der Kirchen 2, 2005, 1175.
Thomas K. Kuhn
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Schäfer, Otto