Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BossiBossi, Johann Georg lemma sequent

Bossi, Johann
* 26-4-1874 a Triest, † 19-4-1956 a Cuira, cat., dad Alvaschagn e Surava. Figl da Johann, hotelier a Triest. ∞ Antonia n. Furger, figlia dad Alois, commerziant, da Val. Scola primara a Surava, alura scola media a Meraun e Friburg. Stud.iur. a Berna, Berlin e Friburg, dr.iur. 1900, advocat a Cuira a partir dal 1903. Comm. dal Cussegl grond 1905-15 (pres. 1912), 1921-23 e 1931-49, cuss. guv. dec. 1915 - mars 1920 (Dep. da finanzas e militar), cuss. naz. 1919-43. Pres. da la Partida cons.-dem. dal Grischun 1909-15, 1920-23 e 1930-42, comm. da la cumissiun da la Partida populara cons. svizra 1920-40. Comm. da cussegls administrativs, tr.a. da quel da la Viafier retica; pres. da las Ovras reticas d'electricitad 1920-56 e dal «Bündner Tagblatt» 1931-48. Politicher cons. engaschà en la pressa («Bündner Tagblatt») ed en gremis ecclesiastics (Corpus cat.). Confessiunalmain tolerant, intimus dal cuss. naz. refurmà Jon Vonmoos. B. ha mobilisà a Berna, ens. cun Vonmoos, daners per la giuvna Lia Rumantscha (fundada il 1919).


Litteratura:
Gruner, Bundesversammlung 1, 608.

Jürg Simonett

lemma precedents BossiBossi, Johann Georg lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :