e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Brosi, Rudolf Brügger, Alois  Brügger Schlatta da magistrats bainstants dal Grischun, vischins da Cuira attestads tr. il 13. tsch. ed il 1418 (1244 Petrus de ponte), senza lioms genealogics doc. cun las fam. gualsras dal medem num, domiciliadas ad Arosa (1434 il giuncher Hans, proprietari dals culms al Brüggerhorn) ed a Curvalda. Il landamma e podestat Engelhard (emprima mesadad 16. tsch.) vala sco progenitur da la fam. B. da Curvalda, attestada en numerusas vischn. da la LDD, nua ch'ella occupava div. uffizis. Sper la lingia cat. anc oz existenta - cun politichers, academichers ed uffiziers impurtants en il 19. e 20. tsch. (Anton, Christian Gregor, Friedrich) - èn naschidas lingias ref. en il 17. tschientaner. La lingia la pli activa dal punct da vista politic-economic è sa domiciliada cun Andreas a Maiavilla; ella ha schendrà numerus auts magistrats fed. ed uffiziers, fin a l'extincziun da la lingia masculina cun Herkules Ulysses. Litteratura: C.G. Brügger, Chronologisches Verzeichnis der Landammänner von Churwalden [...], en: BM, 1859, 102-04, 112-17; Grimm, Aristokratie, 223. Adolf Collenberg  Brosi, Rudolf Brügger, Alois  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: