e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Brun, Hans Brunies, Steivan  Brun, Toni * 3-3-1829 a Flem, † 19-7-1915 a Flem, ref., dad Avras.. Figl da Christian, mastral, e da Barbla n. Rudolph, da Flem. Numnà il vegl dil Ringel. ∞ Magdalena n. Hartmann, d'Aschera. Suenter in emprendissadi da commerzi a Cuira il 1844, è B. sa rendì sco cafetier a Milaun ed a Genua. Il 1849 è el turnà a Flem, nua ch'el ha cumprà il 1863 la Casa Capol (oz Bellevue) ch'el ha transmidà en la Pensiun Brun. Il 1885 ha el vendì questa pensiun ed ha fatg il pur ed il commerziant, l'exploratur ed il guid da muntogna (tr.a. da Walram Derichsweiler). Emprim'ascensiun dal Pez Bargis e.a. 1861. Il Crap Brun sper la Camona da Segnas regorda l'alpinist ed autur da div. descripziuns instructivas dals pass sursilvans e da lur impurtanza economica. Grond engaschament per ina via sur il Veptga. Confundatur da la secziun Piz Terri dal CAS 1898. Maior d'infantaria 1873. Litteratura: Bündner Bergluft: Memoiren des alten Toni B., edì da W. Derichsweiler, 1917. Adolf Collenberg  Brun, Hans Brunies, Steivan  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: