Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Buchhorn, JakobBuchli, Jakob lemma sequent

Büchli, Arnold
* 27-5-1885 a Lenzburg/AG, † 13-10-1970 a Cuira, ref., da Lenzburg. Figl dad Emil, tenschider e commerziant, e da Marie Luise n. Urech. ∞ Bertha Anna Elise Emilie n. Baumhard, da Berlin. Studi da teologia a Basilea, alura da filologia classica e da germanistica a Basilea, Minca, Friburg e.Br. e Turitg. Mag. secundar a Zurzach/AG a partir dal 1912, alura ad Aarburg/AG (pli tard rectur). Il 1942 è B., enconuschent era sut il pseudonim Heiri Lachmereis, sa domicilià a Cuira, nua ch'el è sa deditgà fin a sia mort (suicidi) a la rimnada da ditgas. El ha scrit poesias en stil archaisant, edì collecziuns da balladas e da poesias («Jugendborn-Sammlung»), reordinà la collecziun da ditgas da Heinrich Herzog e cumpilà collecziuns da ditgas, legendas, burlas e ligns. Sia ovra principala, la «Mythologische Landeskunde von Graubünden», è il resultat d'atgnas retschertgas sin il champ. Dr.h.c. da l'Univ. da Berna 1964.


Archiv:
ASGR e StAAG (relaschs).

Ovras:
Mythologische Landeskunde von Graubünden, 4 ts, 1989-92 (pliras ediz.).

Litteratura:
Freundesgabe für Dr.h.c. Arnold B. zum 80. Geburtstag, 1965; Sagenerzähler und Sagensammler der Schweiz, edì da R. Schenda, 1988; U. Brunold-Bigler, Arnold B. und seine «Mythologische Landeskunde von Graubünden», en: Büchli, Mythologische Landeskunde 4, 5-35.

Ruedi Graf

lemma precedents Buchhorn, JakobBuchli, Jakob lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :