e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Hophan, Beda *12-7-1875 (Julius) a Feldkirch, † 26-12-1964 a Mustér, cat., da Näfels/GL. Figl da Fridolin e da Mathilde n. Stichl, dad Augsburg. Gimnasi dals gesuits a Feldkirch, profess OSB a Mustér 1894, ordinà il 1898. Studis da filologia classica a Friburg, dr.fil. I 1903. Magister claustral, prefect da l'internat 1916-20, avat da la claustra da Mustér dal zercl. 1925 fin a la resignaziun il matg 1963. Durant sia regenza ha H. pudì augmentar considerablamain il dumber da confrars: da 12 a 38 paders, da 9 a 23 fraters seculars. Il gimnasi è vegnì cumplettà (2 classas licealas), e la matura (tip A) è vegnida renconuschida dal Chantun (1936) e da la Confed. (1938, 1944 definitivamain). Cun la construcziun dal tract occidental è vegnì realisà il plan claustral dal temp baroc. Litteratura: HS III/1, 511 s.
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|