e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Köhl, Emil * 20-11-1857 ad Odessa, † 19-12-1924 a Cuira, ref., da Bravuogn. Figl da Hermann Friedrich, hotelier, e dad Emilie n. Pedolin, da Cuira. ∞ Ursula n. Baumgärtner. Gimnasi a Cuira, stud.med. a Tubinga, doctorat a Turitg. Scolaziun supplementara en chirurgia a Vienna, Paris e Turitg, alura schefmedi a l'ospital da la citad da Cuira 1893-1924 e chirurg a l'ospital privat Quisisana, fundà il 1905. K. valeva sco excellent chirurg. Sin basa da sia «Geschichte der Kantonsspitalfrage» (1916) ha Anna von Planta legà il terren per la construcziun da l'Ospital da dunnas Fontana. K. è stà pres. da l'Uniun grischuna da medis 1906-08 (comm. d'onur 1919) e da la cumissiun da studi per in nov ospital cirq. u distr., realisà il 1941 cun l'Ospital chant. a Cuira. Gimnast enconuschent sin il champ naz., iniziant da la sala da gimnastica da Cuira (1897). Publicaziuns scientificas davart la chirurgia. Litteratura: Äskulap in Graubünden.
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|