e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Maurizio, Giovanni Andrea * 9-7-1815 a Visavraun, † 17-4-1885 a Visavraun, ref., da Visavraun. Figl da Giovanni Andrea e da Maria n. Pool. ∞ Anna n. Stuppani. Scolas a Ftan ed a Cuira, alura studi da teologia e da linguas classicas a l'Univ. da Turitg (senza conclusiun per motivs da sanadad). Segiurns sco commerziant e student da russ e polac a Cracovia, alura studi da tal. a Firenza. Magister da linguas a la Scola chant. a Cuira 1853-62, alura a la scola da Visavraun ed a la Scola evang. d'Aschera 1866-67. Da return en Bergiaglia, ha el fatg da pur ed è stà podestat ed inspectur da scola. M. correspundeva cun il linguist tal. Graziadio Isaia Ascoli, al qual el ha furnì material davart il dialect bregagliot (1871). Il 1875 ha el publitgà «La stria ossia i stinqual da l'amur», in drama istoric en tschintg acts en il dialect bregagliot che tematisescha l'introducziun da la Refurma en Bergiaglia ed il servetsch mercenar.
Ovras: Der Zeitgeist, oder Betrachtungen über unsere socialen Verhältnisse, 1865.
Litteratura: G. Giovanoli, Giovanni Andrea M., en: AGI, 57/1975, 108-18; P. Pool, Giovanni Andrea M. e la Stria, en: QGI, 49/1980, 241-74; Scrittori del Grigioni italiano, edì dad A. e M. Stäuble, 1998, 58-67; LTS, 1209.
Silvio Maurizio
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|