e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Pedretti, Gian * 19-4-1926 a Basilea, senza confessiun, da Maton e Schlarigna. Figl da Turo. Frar da Giuliano. ∞ 1952 Erica P. n. Schefter. Creschì si a Samedan. Furmaziun d'argienter a la Scola d'art applitgà a Turitg (1942-47), alura dus onns furmaziun da sculptur a Turitg (sculpturas da metal). Segiurn da studi a Paris, nua ch'el ha inscuntrà Alberto Giacometti (1951). Dal 1952-73 ha vivì P. a Schlarigna, nua ch'el ha realisà o.t. relievs da cuntradas cun figuras. A partir dal 1966 è el sa deditgà a la pictura. Il 1974 è el sa domicilià a La Neuveville/BE. Dapi il 1985 ha el era scrit ovras litteraras. P. ha realisà exposiziuns en Svizra ed a l'exteriur. Da sias ovras han acquistà tr.a. ils museums da Soloturn, Bienna, Berna e Cuira. Premis d'art dal chantun Grischun 1982, dal Berner Biennale 1990 e Premi dal chantun Berna 1986 (per sia ovra litt.). Litteratura: L. Carluccio, Gian P., catalog d’expos. Milaun, 1972; C.L. Hart Nibbrig, Gian P., Galleria documenta, Palazzo Villanis, 1976; H.F. Schafroth, Gian P., catalog d’expos. Soloturn, 1984; BLSK, 808; Gian P., der Maler/Le peintre, edì da D. Denaro, 2007 (cun bibliogr. e reg. d'ovras).
Dora Lardelli
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|