e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Pfister, Alexander * 30-9-1876 a Schlans, † 7-7-1961 a Riehen/BS, cat., da Schlans. Figl da Gion Mathias, inspectur da scola, e da Mengia Cristgina n. Livers, da Breil. ∞ Dorothea n. Jecklin, figlia da Rudolf, medi, da Cuira. Patenta da mag. primar a Cuira 1897 e da mag. secundar a Berna 1901, dr. fil. I 1903. Alura studis a Berlin. Scolast a Sursaissa e Zezras a partir dal 1897, scolast da tudestg, istorgia e geografia al gimnasi da mattas a Basilea 1904-37. Autur da numerus studis en lingua tud. e rum. davart las relaziuns politicas tr. la Svizra e la Prussia e davart l'istorgia grischuna dal 16. fin 19. tschientaner. Enconuschent o.t. sco biograf da «Georg Jenatsch» resp. da «Jörg Jenatsch» (1938, 19915). Ovras: Die Schweiz und Preussen 1792-1795, 1904; Il general Caspar Teodosius de Latour, 1782-1855, 1925; Partidas e combats ella Ligia Grischa da 1494-1794, 1925; Jörg Jenatsch: Briefe 1614-1639, 1983.
Litteratura: Bedeutende Bündner 2, 537-39.
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|