e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Planta, Anna von * 21-11-1858 ad Alexandria (Egipta), † 7-10-1934 en il chastè da Farschno, ref., da Samedan, Cuira e Tumein. Figlia da Jacques Ambrosius. Sora da Rudolf Alexander. Nubila. P. ha passentà ils emprims onns p.p. ad Alexandria, p.p. en il Grischun. A partir dal 1867 ha ella vivì a Cuira ed a S. Murezzan, cun dimoras a Basilea, Frankfurt, Firenza e Roma, nua ch'ella ha fatg amicizia cun Giovanni Segantini. Il 1900 ha transfurmà P. in edifizi annex da la villa paterna sur il Lürlibad a Cuira en ina chasa da recreaziun per uffants da relaziuns paupras. Il 1916 ha ella legà omadus edifizis al chantun Grischun cun l'intent da laschar realisar qua ina chasa chant. da parturir ed ina clinica per dunnas ed ha dà l'impuls decisiv a l'idea d'in ospital chantunal. Ses domicil ha ella transferì a Genevra ed è turnada pir il 1934 a Farschno. Litteratura: Geneal. Planta, tav. 34/13; B. von Sprecher, Erinnerungen an Fräulein Anna von P., en: BM, 1935, 289-99; Pieth, Bündnergeschichte, 506.
Hansjürg Gredig
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|