e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Romedi, Peter Conradin ≈ 21-9-1817 a Madulain, † 29-12-1899 a Madulain, ref., da Madulain. Figl da Gian Elias, landamma da l'Engiadin'Ota, e da Deta n. von Planta. Frar da Johann Albert. Scola com., alura institut privat a Farschno e scolas medias a Cuira e Berlin. Studi da giurisprudenza a Heidelberg e Lipsia, terminà a Berna. Advocat a Madulain, commerziant da vin, possessur da chavals da posta e hotelier a Scuol. Comm. dal Cussegl grond 1845-46, 1849-50, 1852-55, 1865-67 e 1871-81, cuss. guv. 1857-avust 1858, elegì cuss. dals chantuns 1881 (emprima tscherna tras il pievel) e comm. da quel fin il 1898. Oriundamain da tenuta lib., è R. s'engaschà en il Cussegl dals chantuns, cun il sustegn dal Cat.-cons. Remigius Peterelli, sco Federaldemocrat e represchentant dals Conservativs ref. (a partir dal 1893 sco independent) o.t. cunter tendenzas da centralisaziun (viafier, banca fed., assicuranza da malsauns e d'accidents) ed obligaziuns fed. creschentas. Promotur dal turissem en l'Engiadina Bassa, fundatur da l'hotel dals bogns a Scuol e comm. dal cussegl administrativ da la Societad Tarasp-Scuol. Manader militar popular, activ sco litinent col. en la Guerra da la Lia separatista e durant l'occupaziun dals cunfins dal 1870-71. Litteratura: Gruner, Bundesversammlung 1, 626; Metz, Graubünden 2.
Jürg Simonett
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|