e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Rüedi, Luzius * 24-4-1804 a Zezras, † 4-2-1869 a Zezras, ref., da Zezras e Filisur. Figl da Georg, plevon, e da Renata n. Conzett. ∞ Rahel n. Conrad, da Tavau. Gimnasi a Cuira, stud. med. en Germania, nua ch'el ha stuì fugir trais giadas per motivs politics, ed a Turitg; promoziun ad Erlangen. Pratica a Tavau 1827-30 e 1835-49. Il 1841 ha el avert a Tavau ina chasa da cura climatica per uffants cun tuberculosa e per malsauns da spiert. Quella ha intimà Oscar Bernhard ed Alexander Spengler a fundar sanatoris. Medi da cura ad Alvagni 1849, alura medi cun atgna pratica a Cuira. Persunalitad legendara causa sia statura lunga e sia forza immensa. Famus chantadur, chatschader e tiradur.
Archiv: Museum da la patria a Tavau, relasch.
Litteratura: Schweizerische medizinische Wochenschrift, 13-2-1926, 125-29; Äskulap in Graubünden.
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|