e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Silberroth, Moses * 18-8-1888 a Sapohova (Galizia, oz Rumania), † 19-11-1965 a Tavau, isr., da Skala (Galizia) e da Schelten/BE (a partir dal 1916). Figl da Pesachie e da Dina n. Hochenberg. Creschì si a Czernowitz (oz Ucraina), stud.iur. a Vienna, examen d'advocat en Sursilvania (1916). Domicil a Tavau cun in'atgna pratica d'advocat (1917), advocat dals paupers. Comm. da la PS (sortì il 1950), pres. dal comité da Tavau per la chauma naz. dal 1918. Comm. da la dretgira cirq. e dal cussegl pitschen cirq. da Tavau a partir dal 1923, comm. dal Cussegl grond dal Grischun 1931-47 (betg reelegì suenter l'Affera Barwirsch). Represchentant profilà dal Moviment grischun dals lavurers; admonitur perseverant e cumbattant cunter il faschissem ed il naziunalsocialissem e lur filialas en Svizra. Persunalitad cun interess filosofics e litterars che tgirava ina correspundenza cun il scriptur franz. Romain Rolland. Archiv: Archiv d'istorgia contemporana da la SPF, relasch.
Ovras: Josef Franz Barwirsch (1927-1946): Dokumente, statt Legenden, 1946; Erinnerungen, en: BJb, 1959, 106-13.
Litteratura: BJb, 1967, 173 s.; T. Peterhans, Politische Säuberungen in Graubünden, en: BM, 2006, 307-42.
Martin Bundi
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|