e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Spengler, Alexander * 20-3-1827 a Mannheim, † 11-1-1901 a Tavau, ref., da Tain (a partir dal 1855). Figl da Johann Philipp, scolast, e da Charlotte n. Schüler. ∞ Elisabeth n. Ambühl, figlia d'Andreas, pastizier. Studi da giurisprudenza a Heidelberg. Participaziun a la Revoluziun tud. dal 1848/49, alura fugia en Svizra. Studi da medischina a Turitg, medi a Tavau 1853. S. ha vesì l'impurtanza dal clima alpin per il tractament dietetic da la tuberculosa pulmunala, quai ch'ha pussibilità a Tavau da daventar in lieu da cura. Cun Willem Jan Holsboer ha el fundà il 1868 l'institut Spengler-Holsboer, l'emprim sanatori da Tavau. Confundatur da la chasa da cura e da las diaconissas (Alexanderhaus), da l'Associaziun per malsauns dal lom basegnus e da la communitad evang. dal sanatori. Ovras: Die Landschaft Davos (Kanton Graubünden) als Kurort gegen Lungenschwindsucht, 1868 (1899²).
Litteratura: J. Ferdmann, Der Aufstieg von Davos, 1947 (1990²); H. Koelbing, Alexander S. als Tuberkulose-Arzt und Klimatherapeut, en: Hundert Jahre Lungen-Kurort Davos, edì da F. Suter, H. Meyer, 1966, 39-46; Davoser Revue, 76/2001, nr 1, 11-50; A. Condrau, Helfen und Heilen, 2009², 45-47.
Peter Bollier
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|