e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Sialm, Giusep Maria * 7-3-1934 a Segnas (vischn. da Mustér), † 19-9-1985 a Therwil/BL, cat., da Mustér. Figl da Victor Bernard, mastral, e da Maria Josepha n. Blumenthal. ∞ Rita n. Hardegger, da Gams/SG. Nev da Gion Battesta e da Duri ch'ha introducì el en la musica. Gimnasi a Mustér, Seminari scolastic a Cuira, patentà il 1956. Studis da filologia e musica a Friburg, Turitg, Salzburg e Vienna, tr.a. cun diplom da clavazin, teoria da musica e cumposiziun. Scolast da musica a Cham/ZG 1962-71 ed a Birsfelden/BL. Directur da div. musicas en ils chantuns Grischun, Lucerna, Basilea-Citad e Basilea-Champagna. Comm. da la cumissiun da musica da Basilea-Champagna (a partir dal 1978) e da la cumissiun fed. da musica (a partir dal 1982). S. ha cumponì var 100 chanzuns o.t. per chor viril e per chor maschadà sco era insaquants tocs per musicas instrumentalas, tr.a. il "Rätikon", "Disentis-Mustér", "Salva als Lumerins". Div. da sias ovras èn vegnidas premiadas.
Ovras: BMVR.
Litteratura: Personenlexikon des Kantons Basel-Landschaft, elav. da K. Birkhäuser, 1997.
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|