e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Alig, Emil * 6-11-1924 a Cuira, † 23-3-2009 a Zug, cat., da Sursaissa. Figl da Christian Martin, pur, e da Margareta Catrina n. Cahannes, da Breil. ∞ Madeleine n. Heymoz, da Friburg, scolasta d'economia da chasa e tgirunza d'uffants pitschens. Seminari scolastic a Cuira e Sviz, patentà il 1945. Studis da pedagogia e da musica a Friburg ed a Turitg, doctorat cun «Die Musik im Lehr- und Erziehungsplan der Sekundarschule». Diplom d'orgla tar Luigi Favini. Magister secundar a Sursaissa 1946-52 ed a Glion 1952-58 e dirigent da chors e musica en quels lieus. Prof. da musica e da pedagogia al Seminari scolastic a Zug a partir dal 1958. Comm. da la cumissiun d'experts da l'Uniun svizra da chors, expert a festas da chant ed instructur da dirigents, da chant e da musica. Numerus premis, tr.a. il segund cun il chor Pro Cantu a l'occasiun da la Concurrenza internaz. da chors a Verona il 1992. Medaglia papala Bene merenti e Premi da renconuschientscha dal chantun Grischun. Comm. d'onur da l'Uniun svizra da chors.
Litteratura: Schweizer Chor-Komponisten, 1999, 25 (cun reg. d'ovras).
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|