e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Bilger [Bilguer], Johann Ulrich [von] * 21-4-1720 a Cuira, † 6-4-1796 a Berlin, ref., da Cuira. Figl da Johann Luzius, maister da mastergnanza e cuss., e dad Anna n. Gampser. ∞ Johanne Friederike n. Mögling, figlia d'in chirurg militar. Gimnasi a Cuira, stud.med. a Basilea 1737 e Strassburg 1738, segiurn a Paris. Chirurg maior en in regiment da chavallaria dal Württemberg 1741 (transferì a Berlin il 1742). Chirurg general da l'armada prussiana 1757. Dr.med. a Halle 1761. Recepì en la Leopoldina (Academia tud. da las scienzas natiralas) 1762. Nobilità tras l'imperatur il 1794. B. ha participà a numerusas campagnas militaras. Sia dissertaziun, ch'è vegnida translatada en div. linguas e che recumandava d'evitar l'amputaziun da membra blessada, ha fatg dad el il "bap da la chirurgia conservativa". B. ha fatg part dal circul pietistic da Halle. Ovras: Dissertatio de membrorum amputatione rarissime administranda aut quasi abroganda, 1761.
Litteratura: C. Farner, Der Bündner Chirurg Johann Ulrich B. und sein Werk über die Hypochondrie, en: BM, 1963, 281-330; H. Müller, Johann Ulrich von B., en: Gesnerus, 25/1968, 116-20; Äskulap in Graubünden, 672-76; W. Kaiser, Johann Ulrich von B. (1720-96) und die Medizinische Fakultät Halle, en: Gesnerus, 27/1970, 85-95.
Urs Boschung
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|