e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Brügger, Christian Gregor * 11-3-1833 a Curvalda, † 16-10-1899 a Cuira, cat., da Curvalda. Figl da Christian, pur e scrivant, e da Maria Theresia n. Hemmi. Nubil. Suenter il collegi a Brig/VS, ha B. frequentà la Scola chant. a Cuira e quella a S. Gagl ed ha studegià scienzas natiralas a Minca ed a Puntina. El è stà l'emprim conservatur dal museum botanic dal Politecnicum fed. a Turitg 1859-70. Mag. da scienzas natiralas e geograficas a la Scola chant. a Cuira 1870-98. Il perscrutader versà (o.t. sin il champ da la botanica) ha descrit div. novas varietads da plantas che n'èn p.g.p. betg vegnidas renconuschidas da ses collegas. Dal 1860-82 ha B. publitgà en ils rapports annuals da la Societad grischuna per la perscrutaziun da la natira numerusas contribuziuns davart la zoologia (tr.a. las ovras da referenza «Die Fledermäuse Graubündens»), la botanica, la geografia, la meteorologia, las minieras e l'istorgia. L'ovra planisada sut il titel «Flora Graubündens» n'è mai vegnida edida. B. ha influenzà considerablamain la scienza natirala en il Grischun.
Archiv: ASGR; MNG, erbari.
Litteratura: T. Schröter, Prof. Dr. Chr[istian]. B., 1899 (cun reg. d'ovras cumplet ); Bedeutende Bündner 2, 140-48.
Jürg P. Müller
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|